歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

14:1 亞比雅及伊的列祖同睏,埋葬佇大衛城。伊的子亞撒續接伊做王。當亞撒的日,彼個地方太平十年久。
14:2 亞撒行耶和華──伊的上帝看做好做正直的事,
14:3 因為伊除去外邦的上帝的壇及山頭壇,廢許個柱像,
14:4 剉(chhò)許個亞舍拉,閣命令猶大人尋耶和華──列祖的上帝,遵趁伊的律法、誡命;
14:5 閣佇猶大逐個城除去許個山頭壇及日像,國得著太平佇伊的面前;
14:6 伊佇猶大起幾若座險要的城。因為伊的地方平安,佇彼幾年攏無交戰,因為耶和華互伊平安。
14:7 伊對猶大人講:「咱著來起諸個城,四圍起牆,及城樓及門,及門楗;地猶佇咱的面前,因為咱有求耶和華──咱的上帝;咱已經求伊,伊佇四圍賞賜咱平安。」就起造,來得著亨通。
14:8 亞撒有軍兵,對猶大出者三十萬夯屏牌及槍;對便雅憫出者二十八萬夯(giâ)屏牌開弓。諸個攏是大力的勇士。
14:9 古實謝拉導軍隊一百萬,戰車三百張,來攻擊伊,來到瑪利沙
14:10 亞撒就出去抵敵伊,就佇瑪利沙洗法的山谷大家排陣。
14:11 亞撒求叫耶和華──伊的上帝講:「耶和華啊,佇強的、軟弱的,的中間,你以外無幫助的。耶和華──阮的上帝啊,求你幫助阮;因為阮倚靠你,閣託你的名去抵敵諸個眾人。耶和華啊,你是阮的上帝,呣通互人卡贏你。」
14:12 耶和華就拍贏古實人佇亞撒猶大人的面前,古實人就逃走;
14:13 亞撒及隨伊的人追趇,到佇基拉耳。古實人死真多,boe會閣強盛,因為in佇耶和華及伊的軍隊的面前敗壞。猶大人搶多多財物去,
14:14 閣拍基拉耳四圍許個城;因為耶和華互真驚。也搶攏總的城,因為城內有多多物通搶,
14:15 閣拍許個精牲的,牽真多羊及駱駝倒去耶路撒冷


回聖經目錄